Ağçubuq söyüd

Ağçubuq söyüd
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superrozidlər Klad: Rozidlər Klad: Fabidlər Dəstə: Malpigiyaçiçəklilər Fəsilə: Söyüdkimilər Cins: Söyüd Növ: Ağçubuq söyüd
Beynəlxalq elmi adı
Salix triandra L., 1753
Şəkil axtarışı ITIS   837764 NCBI   77069 EOL   5599651

Ağçubuq söyüd (lat. Salix triandra) — bitkilər aləminin malpigiyaçiçəklilər dəstəsinin söyüdkimilər fəsiləsinin söyüd cinsinə aid bitki növü.

Botaniki xarakteristikası

Boyu 10 m-ə, diametri 12 sm-ə çatan alçaq boylu ağac və ya uca boylu koldur. Budaqları qonur-yaşıl və ya zeytun rəngində olub, elastikdir. Hündürlüyü 5-6 sm-ə qədər olan kol və ya nadir halda ağacdır. Budaqları nazik, elastikdir, zeytun və ya qonurtəhər-yaşıl rəngdədir. Tumurcuqları yumurtaşəkilli, sivri və çılpaqdır. Yalançı zoğları uzun müddət qalan, böyrəkşəkilli və ya yumurtaşəkillidir, dişlidir. Yarpaqları neştərvari, uzunsovneştərvari, elliptik və ya ensiiz elliptikdir, uzunluğu 4-13 sm, eni 0,5-3 sm-dir, qısa sivriləşmiş, qaidə hissəsinə doğru pazşəkilli və ya qövsşəkilli daralmış, kənarları vəzili-mişarvaridir, çılpaqdır, üst tərəfdən tünd yaşıl, alt tərəfdən adətən boz və ya ağımtıl göy rəngdədir, qırmızımtıl və ya sarımtıl rəngli nəzərə çarpan orta damarı vardır. Sırğaları yarpaqların əmələ gəlməsindən sonra açılır, illik budaqların sonunda əmələ gəlir, qaidə hissəsində xırda yarpaqlarladır. Qutucuq çılpaqdır, qısa saplaq üzərindədir və uzunluğu 5 mm-ə yaxındır. Aprel ayında çiçəkləyir, aprel-may aylarında meyvə verir.

Azərbaycanda yayılması

Samur-Şabran ovalığı, BQ (Quba), BQ şərq, BQ qərb, Kür-Araz ovalığı, Kür düz., KQ cənub, Naxçıvanın dağlıq ovalıqdan orta dağ qurşağına qədər.

Yaşayış mühiti

Çayların sahilində, suvarma kanallarının yanında rast gəlini

Təsərrüfat əhəmiyyəti

Qabığında aşı maddəsi vardır. Qabıq və yarpağından sarı rəng alınır. Dekorativ və balverən bitkidir.

Sinonimləri

Homotipik sinonimləri

• Nestylix arborea Raf.
• Pleiarina triandra (L.) N.Chao & G.T.Gong
• Salix amygdalina var. concolor W.D.J.Koch
• Salix arborea Raf.
• Salix triandra subsp. concolor (W.D.J.Koch) Arcang.

Yarımnövləri

• Salix triandra subsp. bornmuelleri (Hausskn.) A.K.Skvortsov
• Salix triandra f. glaucophylla (Ser.) Krylov
• Salix triandra subsp. triandra